O Concello de Rianxo, a través da Área de Cultura, traballa coa Universidade de Santiago para achegar formación local á cidadanía do municipio maior de 50 anos.
A USC, en colaboración co Concello de Rianxo, lanzou un proxecto de democratización do coñecemento a través do programa universitario de maiores, IV Ciclo chamado Camiños de Coñecemento e experiencia. Serán media ducia de actividades.
Este programa está dirixido a persoas maiores de 50 anos que desexen seguir aprendendo e enriquecer a súa formación. Os Camiños de Coñecemento e Experiencia en Rianxo proporcionan “unha oportunidade única para acadar novos coñecementos sobre diferentes temas, tales como historia, arte, literatura, ciencia, tecnoloxía e moitos máis”, segundo informou a Área de Cultura.
As persoas que estean interesadas en participar neste programa, poden inscribirse enviando un correo electrónico a cultura@concelloderianxo.gal ou chamando ao teléfono 981 100 688 para obter máis información.
As conferencias van desenvolverse no Auditorio de Rianxo, seguindo o seguinte programa:
MARTES 18/04/2023 16:30-18:00h
Seminario: Idadismo, desterrando prexuízos I.
Nieves Rodríguez Soler, Socióloga e Xerontóloga social. Colaboradora do Programa Universitario de Maiores, IV Ciclo da USC.
MÉRCORES 19/04/2023 16:30-18:00h
Seminario: Os dereitos básicos das persoas consumidoras: como reclamar.
Técnica do Instituto Galego de Consumo.
XOVES 20/04/2023 16:30-18:00h
Seminario: Os servizos no fogar: luz, gas, telefonía e Internet.
Técnica do Instituto Galego de Consumo.
MÉRCORES 26/04/2023 16:30-18:00h
Seminario: A carta xeográfica de Galicia de Domingo Fontán.
Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC.
XOVES 27/04/2023 16:30-18:00h
Sesión práctica: Interpretación da carta xeográfica de Galicia de Domingo Fontán.
Anxo Rodríguez Lemos. Doutor en Historia. Profesor do Programa Universitario de Maiores, IV Ciclo da USC.
MARTES 02/05/2023 16:30-18:00h
Seminario: Idadismo: desterrando prexuizos II.
Nieves Rodríguez Soler, Socióloga e Xerontóloga social. Colaboradora do Programa Universitario de Maiores, IV Ciclo da USC.
