A Fundación Castelao terá sede propia na Cidade da Cultura

18 Abril 2023

A Consellería de Cultura e Educación e a Fundación Castelao veñen de ratificar un acordo polo que se cede a esta institución un espazo na Cidade da Cultura para a instalación dunha sede e, tamén, para a realización de actividades culturais e de divulgación ao redor da figura do creador e escritor de Rianxo. O convenio foi asinado este martes 18 de abril no Gaiás polo conselleiro de Cultura, Educación, FP e Universidades, Román Rodríguez González, e o presidente da Fundación Castelao, Miguel Anxo Seixas Seoane. Na cita tamén participou o secretario xeral de Política Lingüística, Valentín García.

O conselleiro de Cultura, Educación, FP e Universidades, Román Rodríguez, e o presidente da Fundación Castelao, Miguel Anxo Seixas Seoane, asinarán un acordo para a instalación dunha sede na Cidade da Cultura. foto xoán crespo

Rodríguez salientou que o obxectivo desta colaboración é “avanzar nun maior coñecemento se cabe do legado dunha das principais referencias intelectuais, literarias e artísticas de Galicia, parte fundamental da nosa historia”, ao tempo que lembrou que coidar e protexer a obra de Castelao para o presente e o futuro “debe ser responsabilidade de todos os axentes culturais”.

Neste sentido, o conselleiro quixo agradecer á Fundación Castelao o traballo que levan desenvolvendo durante case catro décadas na difusión e coñecemento do autor.

O presidente da Fundación Castelao, Miguel Anxo Seixas Seoane, salientou o compromiso da institución que representa para continuar a “achegar a figura de Castelao á cidadanía do mundo, en todos os soportes con todos os medios”.

O acto contou tamén coa presenza da directora xerente da Fundación Cidade da Cultura, Ana Isabel Vázquez, e da secretaria e a tesoureira da Fundación Castelao, Diana Santiago e Ruth Varela.

A través deste acordo, a Fundación Castelao súmase a outras institucións, asociacións ou entidades culturais que contan cun espazo físico na Cidade da Cultura e que inclúen, entre outras, algunhas seccións da Real Academia Galega e do Consello da Cultura Galega, así como a Asociación de Empresas de Artes Escénicas (Escena Galega), a Federación Galega de Bandas de Música Populares, a Academia Xacobea, a Asociación Galega do Libro Infantil e Xuvenil ou a Federación de Libreiros de Galicia.

O conselleiro de Cultura, Educación, FP e Universidades, Román Rodríguez, e o presidente da Fundación Castelao, Miguel Anxo Seixas Seoane, asinarán un acordo para a instalación dunha sede na Cidade da Cultura. foto xoán crespo

Outros artigos

O 25 de abril comezan en Noia as Festas de San Marcos 2024

O 25 de abril dará comezo en Noia a nova edición das Festas de San Marcos, unha das celebracións máis agardadas na nosa contorna e que este ano destacan pola súa completa axenda de actividades e, tamén, pola calidade do traballo artístico do debuxante e ilustrador...

+

Publicidade

Revista en papel

Opinión

“Lisboa, luz cosmopolita”. Alberto Barciela

“Lisboa, luz cosmopolita”. Alberto Barciela

En apariencia, lo único que vemos de la ciudad es lo que la ciudad nos muestra. Lisboa es traslúcida, se da toda en su generosa actitud para quien se predispone a admirarla, para los que abren sus brazos con el fin de abarcar un pequeño pleno universo cosmopolita,...