O alcalde de Noia, Santiago Freire, visitou esta semana as obras que se están a realizar para mellorar a seguridade e a transitabilidade na travesía que vai dende o cruce da Barquiña até a Alameda. Segundo sinalou o rexedor, os traballos avanzan a bo ritmo e, de feito, xa deron comezo as tarefas para dotar á vía do segundo treito de beirarrúas (as comprendidas entre os dous cruces de Barro). O alcalde tamén puido falar cos veciños da contorna, coa empresa que está a desenvolver os traballos e coa dirección da obra, coa finalidade de atender as demandas da cidadanía en relación ao proxecto e o avance do mesmo.
O proxecto incluía unha nova glorieta na Barquiña e a mellora da travesía na AC-550 até a Alameda, contándose cun investimento de 1,1 millóns de euros.
Con estas obras, o Concello e a Xunta (Consellería de Infraestruturas e Mobilidade quixeron atender unha demanda da veciñanza, que leva tempo demandando beiras renovadas e un itinerario peonil accesíbel por unha das marxes da estrada autonómica. A intención é ter remadas as obras este verán.
