Este sábado 1 de abril, ás 12.00 h, celebrarase no Auditorio de Rianxo o acto solemne e público de nomeamento de fillo predilecto de Rianxo a Santiago Agrelo Martínez, arcebispo emérito de Tánxer.
Intervirá Adolfo Muíños Sánchez (alcalde do Concello de Rianxo), Xosé Luís Axeitos Agrelo (académico da RAG, profesor e investigador) e o propio homenaxeado.
Apertura e peche musical a cargo do grupo Barahunda.
Entrada libre ata completar as localidades.
O homenaxeado
Santiago Agrelo Martínez naceu en Asados, Rianxo, o 20 de xuño de 1942). Ademais, de arcebispo emérito de Tánxer, é un relixioso franciscano.
Foi nomeado arcebispo de Tánxer por Bieito XVI en 2007, cando era párroco na diocese de Astorga e profesor no Instituto Teolóxico de Compostela.
O 20 de xuño de 2017 presentou ao papa Francisco a súa renuncia por motivos de idade. O 24 de maio de 2019 fóiselle aceptada a renuncia ao devandito cargo.
