Este pasado domingo 19 de marzo finalizaba a Campaña do Día do Pai impulsada pola Asociación Boirense de Empresarios (ABE), cuxo obxectivo foi recoñecer e premiar a fidelidade dos clientes e impulsar as vendas nos negocios asociados nesta data tan sinalada. Desta volta, as persoas que fixeron as súas compras entre o 13 e o 19 de marzo e rexistraron os seus tíckets e/ou facturas en www.abe.gal acumularon o dobre de puntos para trocar polos premios do catálogo, entre os que se inclúen tamén Bonos ABE para mercar nos negocios asociados.
En total foron 512 rexistros en 7 días, o que supón un incremento do 50% sobre a media de rexistros das anteriores semanas e regaláronse mais de 2.000 puntos extra.
A ABE explica que con esta campaña conseguiuse superar a barreira dos 10.000 tíckets rexistrados dende que en decembro estreara este innovador sistema de fidelizacion, concretamente son 10.222 rexistros correspondentes a 1.563 clientes diferentes, récord tamén.
A asociación tamén lembra que durante todo o ano os clientes dos negocios asociados poden rexistrar tíckets e facturas e acumular puntos para cambiar por Bonos ABE ou agasallos e que eses rexistros tamén valen para participar en sorteos de premios e/ou campañas como a do Dia do Pai.
