O Concello de Porto do Son, en colaboración coa Escola Galega de Saúde para Cidadáns (dependente da Consellería de Sanidade) organizou o pasado venres 3 de marzo un curso formativo de balde sobre intolerancias alimentarias na infancia. De catro horas de duración, a sesión puxo o foco (entre todos os trastornos provocados pola alimentación) na intolerancia derivada da frutosa.
A sesión foi impartida por Rosaura Leis Trabazo, profesora titular de Pediatría na Universidade de Santiago de Compostela, amais de médico especialista en Pediatría e Coordinadora da Unidade de Gastroenteroloxía e Nutrición Pediátrica da Área sanitaria de Santiago. A xornada, moi concorrida de pública, estivo dirixida a persoal sanitario e educativo, monitores/as, pais, nais e cidadanía en xeral
