O pleno do Concello de Ribeira aprobou a xestión directa do aparcadorio da Praza do Centenario un tema que leva moito tempo enquistado. O alcalde, Manuel Ruiz, expuxo que tras un minucioso estudo, os técnicos determinaron que a municipalización das instalacións mediante unha xestión directa por contrato de servizos era a mellor opción. A corporación deu o visto e prace co apoio de PP e BNG, aínda que Suma Ribeira e PBBI decidiron absterse e o PSdeG-PSOE votou en contra.
O concelleiro de Suma Ribeira, Xurxo Ferrón, apuntou que se debía buscar a autonomía financeira na medida do posible, mentres que o portavoz do BNG, Luís Pérez Barral, mostrouse satisfeito de dar pasos na municipalización.
Pola súa banda o voceiro do PsdeG-PSoe José Manuel Vilas expuxo que a xestión directa é o máis beneficioso para os ribeirenses se ben difire nas formas xa que considerou que o ideal sería constituír unha sociedade pública para levar as rendas do aparcadoiro.
En termos similares expresouse Herminia Pouso para mostrar a postura do PBBI que dixo que espera que non hipoteque ao futuro goberno municipal. O rexedor municipal, Manuel Ruiz, dixo que a memoria vai estar aprobada definitivamente en maio.
