Representantes do sector percebeiro chegados de diversas confrarías fixéronse coa praza dos Mariñeiros de Ribeira. Fixeronno diante da delegación da Consellería do Mar en Santa Uxía e que quedou pequena para acoller aos numerosos participantes -500 segundo os organizadores e 200 segundo as forzas de seguridade- nunha concentración pacífica convocada polo colectivo de percebeiros galegos coa finalidade de visibilizar que son un sector produtivo importante e o grave problema que se lles está causando ao deixarlles sen recurso.
A concentración dos percebeiros busca defender a súa profesión ante o agravamento do conflito cos bateeiros pola apertura de rocas, ata hai pouco pechadas, para a extracción de fazula.
Os manifestantes foron Convocados pola Federación Provincial de Confrarías de Pescadores da Coruña.
