As lagoas de Carragueiros e Abanqueiro veñen de ser incluídas no catálogo de zonas húmidas de Galicia promovido pola Consellería de Medio Ambiente da Xunta de Galicia. O Concello de Boiro vén de reiterar agora a colaboración no financiamento para a limpeza das lagoas.
O obxectivo desta solicitude é lograr unha mellora na conservación e xestión destas dúas zonas húmidas do termo municipal e que posúen un alto valor ecolóxico. “Esta catalogación supón un paso máis na recuperación e posta en valor do espazo, para o que xa solicitamos no 2021 financiación xa que empezou a dar problemas aos veciños”, recoñeceu o concelleiro de Medio Ambiente.
Este rexistro das zonas húmidas de Galicia é de carácter público e contén información sobre o número, extensión, valores e estado de conservación dos espazos existentes na comunidade para a súa xestión. A
catalogación destes espazos vai permitir aumentar as posibilidades de xestión e conservación dos mesmos.
O Concello de Boiro vén de rexistrar unha reiteración da solicitude de colaboración no financiamento para a limpeza destes espazos húmidos co obxectivo da súa recuperación e mellora da súa conservación.
