O Concello de Ribeira informa de que foi a adxudicada a actuación consistente na renovación da liña de auga potable e a instalación de pluviais no lugar da Ameixida, situada na parroquia de Castiñeiras.
A actuación recaeu na empresa Excavaciones Nima, S.L., comportando unha inversión de 86.305,48 €. Trátase dunha intervención moi agardada pola veciñanza moi esperada pola veciñanza pois vai permitir dar solución ás avarías que con relativa frecuencia se producen nalgúns puntos da parroquia de Castiñeiras ao romper a actual tubaxe de fibrocemento.
Para alcanzar este obxectivo vanse substituír as tuberías existentes por outras tres: unha de PVC de alta densidade e 160 mm. de diámetro na marxe dereita; outra de polletileno de alta densidade de 0,75 mm. de diámetro, na marxe esquerda; e unha última de PVC 0 125 mm de diámetro, nun cruce, para o cal será necesario a instalación de maquinaria para perforación horizontal dirixida.
No relativo á rede de pluviais, dispoñerase pola beirarrúa da marxe dereita da estrada un colector de PVC corrugado SN-8 de 315 mm e construiranse arquetas sumidoiro e pozos de rexistro de formigón prefabricado.
Os pavimentos de ambas as marxes da estrada serán renovados, cunha subbase de zahorra e unha capa de acabado de mestura bituminosa en quente. As beirarrúas repoñeranse co mesmo pavimento (baldosa hidráulica).
O investimento foi incluído no Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2022. O prazo de execución son tres meses.
