Entre as actividades programadas polo Concello de Porto do Son para celebrar, a semana pasada, o Día da Muller (8-M) incluíuse unha charla con Pilar Porral (Coeduca Consultora), educadora e, tamén, directora e guionista da obra Mulleres e Igualdade, documental interxeracional sobre seis mulleres lucenses e as contas pendentes en igualdade coas que teñen que enfrontarse..
Trala proxección, realizou co alumnado de 1º e 2º de E.S.O. do IES de Porto do Sonun debate-coloquio participativo. Foi, en palabras do Concello sonense, “un exercicio de reflexión para que as futuras xeracións teñan pendente os desafíos a superar en materia de igualdade, tales como a conciliación, corresponsabilidade, violencia de xénero…”
Ao finalizar, todas e todos as/os participantes na actividade puideron degustar unhas pastas doces preparadas polo do Certificado de Cociña do Obradoiro de Emprego Tahume VIII, co-impulsado polo Concello de Porto do Son e o Concello de Ribeira.
