O Concello de Ribeira, a Editorial Rinoceronte e a Asociación Cultural Barbantia organizan este mes de marzo o acto presentación do libro Sátiras, de Horacio, na tradución de María Margarita Fernández Gómez. O acto celebrarase o vindeiro venres, 24 de marzo, ás 20.00 h no Centro Cultural Lustres Rivas de Ribeira.
Intervirán no acto:
– María Sampedro Fernández, Concelleira de Cultura
– María Xesús Blanco, presidenta da A. C. Barbantia®
– Moisés Barcia, editor de Rinoceronte Editora
– Raúl Gómez Pato, director da colección Vétera
– María Margarita Fernández Gómez, tradurora das Sátiras
Barbantia lembra que este mes o suplemento cultural A Voz de Barbantia nº 183 sairá do prelo o sábado, 25 de marzo, conxuntamente con La Voz de Galicia.
Sátiras (ficha de Rinoceronte)
Podemos definir a sátira latina como un xénero literario especificamente romano que, servíndose de influencias diversas, e perseguindo unha finalidade netamente moralizadora, acode a unha conxunción de formantes nun rexistro irónico, gracioso e picante para explicar a intencionalidade argumental detallada. No caso de Horacio, a exposición de vicios e defectos da sociedade ten como finalidade a súa corrección.
A tradución ofrécese en prosa, aínda que seguindo a secuencia dos versos orixinais, e cada sátira vai precedida dun pequeno resumo elaborado pola propia
—
