Cumprido a dia 15 de febreiro de 2023 o primeiro aniversario do afundimento do pesqueiro de Marín “Villa de Pitanxo” e o da morte de 21 dos seus 24 tripulantes, somos moitos os que aínda nos preguntamos se a única verdade do acontecido aquel 15 de febreiro de 2022 a unhas 300 millas de San Xoán de Terranova, é a do mariñeiro ghanés Samuel Kwesi, unha verdade que só el se atreveu a contar, na súa condición de tripulante que sobreviviu á traxedia. Os outros dous sobreviventes -tío e sobriño- argumentaron no seu momento outras circunstancias. Sementaron dúbidas. Pero máis incredulidade deixa o silencio da casa armadora.
Así pasou un ano. Doce meses nos que só se escoitaron as peticións de axuda feitas polos familiares dos mortos ou os seus representantes legais.
Como pendurada dunha nube continúa a promesa feita polo Goberno español de baixar ao pecio e recoller, se é posible, cantos máis datos millor sobre que foi o que realmente aconteceu vai un ano.
Mais polo de agora é só unha promesa, un compromiso contraído, unhas verbas que o vento pode levar cando e como queira.
Confíase, sí. Pero é ben sabido que o cumprimento das promesas feitas polos políticos -sexan do partido que sexan- non é algo que os distinga.
Tampouco semellaba ter presa A Comisión de Investigación de Accidentes e Incidentes Marítimos (CIAIM) cuxo diagnóstico sobre o acontecido co “Villa de Pîtanxo” aínda está por se facer público. Este organismo mantén que “a investigación segue o seu curso e aínda non está rematada”. Dáse como probable que este xoves se poida coñecer un informe provisional da investigación do accidente, que podería ser aprobado, segundo fontes da propia CIAIM.
O 31 de xaneiro publicouse na plataforma de contratación do Estado o anuncio da licitación do servizo de busca, localización e inspección do pecio por un importe de 3 millóns de euros. E tal e como recolleramos neste xornal, as operación van desenvolverse durante o vindeiro verán, mediatizadas sempre polas condicións meteorolóxicas reinantes naquelas augas canadenses.
Os resultados destes ensayos será analisados xunto coas demáis evidencias sobre o accidente dispoñibles na CIAIM, nun proceso que se realizará nas derradeiras fases da investigación,
