A Plataforma Stop Deshaucios Barbanza informou da suspensión, por parte do Xulgado de Primeira Instancia e Instrución Nº1 de Ribeira, do desaloxo sinalado para o día 16 de marzo que deixaría sen o seu fogar a unha familia en situación de vulnerabilidade de Ribeira. A decisión foi tomada logo da presentación do escrito correspondente por parte do avogado de oficio, Carlos Alvarez Marqués. Agora o Xulgado instou aos Servizos Sociais municipais de Ribeira para que, no exercicio das súas funcións, “emita un informe sobre se o fogar afectado atópase en situación de vulnerabilidade social e económica e o notifique a este órgano xudicial inmediatamente”.
Pola súa banda, desde a Oficina da Valedora do Pobo está a iniciarse a mediación correspondente ante a entidade pertencente ao Grupo Santander, UCI (Unión de Créditos Inmobiliarios) para conseguir un alugueiro social e que a familia, con tres fillos, un deles menor, poida continuar residindo na vivenda unifamiliar.
…
