O Concello de Boiro, a través da concelleira María Outeiral, presentou este 1 de febreiro, no Consistorio, os detalles do XVI Encontro Arqueolóxico do Barbanza, organizado polo Centro Arqueolóxico do Barbanza. Segundo fixo saber a edil, celebrarase os días 25 e 26 de febreiro na Casa da Cultura. O obxectivo deste evento, posto en marcha en 2007, será novamente “trasladar ao público os resultados dos traballos arqueolóxicos realizados na comarca do Barbanza nos que se presta especial atención ao arte rupestre e ás investigacións recentes doutras partes de Galicia”.
Segundo explicou a concelleira, “estamos moi contentos de presentar unha nova edición do Encontro Arqueolóxico, as xornadas arqueolóxicas máis lonxevas da comarca e que se realizan de forma ininterrompida, na que contaremos con convidados excepcionais que nos mostran as súas investigacións e nos fan partícipes do seu coñecemento”, afirmou María Outeiral.
As inscricións ás xornadas están xa abertas e poden facerse na web do Centro Arqueolóxico do Barbanza ata o 15 de febreiro.
As reservas para participar poden realizarse de maneira libre e de xeito gratuíto ou en modalidade certificada para estudantes da USC, do programa de doutoramento en Historia, Xeografía e Historia da Arte (USC) ou persoal docente dependente da Consellería de Cultura, Educación e Universidade.
Programa de actividades
Sábado 25 de febreiro de 2023
9.00 – 10.30h: Acreditacións e entrega de documentación
10.30 – 11.00h: Acto de apertura
11.00 – 12.15h: Orce. ¿Quienes somos? ¿De donde venimos? – Juan Manuel Jiménez Arenas.
12.15 – 12.45h: Descanso
12.45 – 14.00h: Bioarequeología: paleodieta y movilidad de poblacionnes prehistóricas – Marta Díaz-Zorita Bonilla e Javier Escudero Carrillo.
17.00h – 17.45h: Talasonimia. Nomear o mar como estratexia de dominio do medio – Xosé Lois Vilar Pedreira.
17.45 – 18.30h: Estudios espacial y tecnológico de los grabados rupestres localizados en el sur de la provincia de Lugo – Begoña González Aguiar.
18.30 – 19.00h: Descaso
19.00 – 19.45h: E ti que miras? Atención visual e tecnoloxía paleolítica – María Silva Lago.
19.45 – 20.30h: Proxecto Colón galego 2022: As intervencións arqueolóxicas en Poio e Sobrán – Mateo Fontán Couto e Antonio Castro Rozados.
Domingo 28 de febreiro de 2023
10.00 – 11.15h: El difícil arte de divulgar la prehistoria – Ignacio Martín Lerma.
11.15 – 12.30h: O Neolítico e o Calcolitico de Tras-os-Montes e Alto Douro. Linhas de força e reflexoes sobre a multipolaridade; densificaçao das paisagens sociais – María de Jesús Sanches
12.30 – 12.45h: Descanso
12.45 – 14.00h: Cocinando durante el neolítico – Miriam Cubas Morera
14.00 – 14.15h: Clausura da edición
