A finde pasada a Casa da Cultura de Porto do Son acolleu a presentación de Ondas de soños, poemario breve (88 páxinas) do escritor local José Manuel Sánchez Sanda, publicada por Círculo Rojo.
A obra sitúanos no ano 1996, en Porto do Son, e ponnos na pel do propio escritor, no tempo da súa adolescencia, cando era un rapaz con milleiros de inquedanzas que comeza a plasmar nun caderno os seus soños, os seus logros, os amores e desamores, así como as historias do mar que acontecen na súa vila mariñeira. O resultado é un libro que é unha viaxe no tempo, unha viaxe de sentimentos, compromiso social e moi especialmente cariño e tenrura.
Breve biografía
José Manuel Sánchez Sande (Porto do Son, 1982) é escritor vocacional. A pesar de levar dende os 14 anos escribindo poesía, non é ate un tempo despois cando decide cumprir un dos seus maiores soños: publicar as poesías que durante tantos anos foi escribindo. Finalmente, debuta no 2022 coa súa primeira obra de poesía, Ondas de soños.
