A última hora da mañá de hoxe tivo lugar na Casa do Concello unha xunta de voceiros para
abordar as actuacións a incluír no Plan Provincial de Obras e Servizos (POS+) e na que dende o Grupo de Goberno se lle trasladou aos grupos unha proposta formada por trece obras, ademais de senllos importes para gasto corrente e redución de débeda, ata sumar unha contía total de 133.8017,27 euros.
Así, na relación de obras inclúense tanto iniciativas demandadas pola veciñanza (hai que recordar que con este motivo lanzouse o mes pasado unha enquisa online con 234 suxestións), como acordos
aprobados en pleno e propostas propostas polos diferentes grupos.
Está previsto que o vindeiro xoves 9 de febreiro, ás 13.30 horas, teña lugar un pleno extraordinario para debater o Plan.
Así, o POS principal estaría conformado polas seguintes actuacións:
Pavimentación e pluviais na travesía dos Pozos (Corrubedo).
Cuberta téxtil do parque infantil de Abesadas
Pavimentación da calzada da rúa Francisco Lorenzo Mariño (Aguiño)
Renovación da liña de abastecemento na rúa Barreiro (Palmeira)
Pavimentación do contorno da Igrexa Parroquial de Artes
Pavimentación da rúa dos Curros (Castiñeiras)
Saneamento no lugar de Espiñeirido (Olveira)
Vestiarios do Campo de Fútbol de Oleiros.
E no que se refire ao POS complementario:
Pavimentación, pluviais e abastecemento na rúa da Capela (Carreira).
Pavimentación, saneamento e pluviais na rúa Portugal
Renovación da praza dos Estudantes
Saneamento e abastecemento en Lixó (Palmeira)
Ampliación de saneamento na rúa Buenos Aires (Corrubedo).
Ademais, destínanse 9.544 euros a redución de débeda e, por primeira vez, outros 419.687,74 euros a gasto corrente, neste caso para paliar as eivas derivadas de que o Concello estea funcionando
cos orzamentos prorrogados dende o 2021 tras non saír adiante os do 2022.
