Ao abeiro das celebracións do Dia de Rosalía (o 23 de febreiro), o Pazo de Goiáns (Boiro) vai acoller unha actividade conmemorativa da Asociación Cultural Barbantia, La Voz de Galicia, a Editorial Galaxia e o Concello de Boiro. A celebración conxunta inclúe o espectáculo teatralizado Que pasa ao redor de min? de Os Quinquilláns e Luís Caruncho, e a presentación do libro Enser, de Marcos Lorenzo. Será o venres 24 de febreiro, ás 20.00. Intervirán Marcos Lorenzo, autor, X. Ricardo Losada, vogal de Barbantia, María Xesús Blanco, presidenta de Barbantia e José Ramón Romero, alcalde de Boiro.
