O programa municipal do Entroido boirense comeza este sábado 18 de febreiro, ás 19.00 horas, no Campo de Rebelar (A Boliña), coa 14ª edición da Festa da Orella de Porco e produtos típicos do Entroido. Organiza a Asociación de Veciños da Boliña, en colaboración co Concello de Boiro. Haberá actuacións musicais do dúo Charada e dúo Rosán, pintacaras, photocall…
Na mesma xornada do sábado 18 de febreiro celebrarase na praza de Galicia a Festa Entroido Peñas, a partir das 23.00 horas. Trátase dun noite festiva organizada pola Asociación Cultural Peñas Boiro. O programa inclúe disco móbil Euphoria Disco Show e actuacións de Cristina Savage, Xacobo de Mínimo Eventos e Toni Seijas.
