O Concello de Dodro informou de que nos vindeiros está previsto convocar un pleno extraordinario para a cesión gratuíta das parcelas onde se atopan os cemiterios de San Xoán de Laíño e San Xián de Laíño, a día de hoxe ambos os dous de titularidade pública logo da súa incorporación ao inventario de bens e dereitos municipais feita polo anterior Goberno.
O Concello engade que o Regulamento de Bens das Corporacións Locais permite a cesión de balde dos bens inmóbeis de titularidade municipal a favor de entidades ou institucións públicas para fins que “redunden en beneficio dos habitantes do termo municipal, así como a favor de institucións privadas de interese público sen ánimo de lucro”.
As dúas asociacións de propietarios xa procederon a solicitar a dita cesión gratuíta.
