Un home foi detido en Ribeira nunha operación conxunta entre a Policía Nacional e Local tras serlle realizado un control de alcoholemia e descubrir que se estaba saltando unha orde de afastamento.
O arresto veu provocado por un control que a Policía Local estaba a realizar durante a madrugada do venres na avenida do Malecón, máis concretamente na contorna da terminal de autobuses. Os axentes deron o alto ao condutor para realizarlle un test de alcoholemia. Na proba o condutor lanzou un resultado positivo. O iniciar os trámites para denunciar a infracción descubriuse que o individuo se estaba saltando unha orde de afastamento, polo que procederon á súa detención inmediata en colaboración coa Policía Nacional.
