O Concello de Ribeira informou do inicio de dúas das obras previstas para o barrio de Abesadas: o asfaltado dun dos seus dous estacionamentos públicos e a renovación do firme do entorno da rotonda da Poutada.
A pavimentación do parking gratuíto de 2.600 metros cadrados está sendo realizado pola empresa Nemesio Ordóñez S.A., dando continuidade as obras emprendidas antes do Nadal nas que se nivelou e acondicionou con saburra a superficie afectada. Supón un investimento de 43.000 euros. Ademais, está previsto dotar de iluminación a esta área cunha actuación que será acometida por Ferrovial.
En canto á renovación do firme na rotonda da Poutada e vías adxacentes, os traballos tamén estar sendo realizados por Nemesio Ordóñez, S.A., despois de ser adxudicados a finais de decembro por un importe de 27.439,42 euros. Os operarios están a estender unha capa de aglomerado en quente tipo AC22 surf D.
Outras actuacións previstas nas proximidades comprenden a mellora do solo de saburra do parque de Abesadas, actualmente bastante deteriorado por efecto das continuas chuvias. A intención é dotalo dun material máis duradeiro como é o formigón. A intervención será realizada por Construcciones Anspal comportando un investimento de 25.582,96 euros.
