Dotar de máis medios humanos e materiais ao sistema sanitario público é algo que case ninguén pon en dúbida e que ás veces, aos nosos gobernantes esquéceselles adoptar as medidas necesarias, planificando, dotando e executando as partidas orzamentarias correspondentes e suficientes.
A realidade cada vez demóstranos máis recortes sanitarios; a precariedade laboral do persoal sanitario é maior; os pacientes atópanse acinados, ao longo dos corredores de urxencia na maioría dos centros hospitalarios públicos; as áreas de emerxencias dos centros de saúde, en demasiadas ocasións, atópanse con decenas de pacientes con longas esperas por falta de facultativos suficientes, mentres atenden urxencias domiciliarias; as semanas e meses de espera cirúrxica é cada vez máis longa; os menos de 10 minutos que ten que dedicar un médico de familia a cada paciente é, en moitos casos, insuficiente; así como un longo etcétera de situacións anómalas que se dan habitualmente e que é unha proba evidente da necesidade de recuperar a sanidade pública de calidade como un dereito fundamental para todos os cidadáns e en igualdade de condicións.
A falta de compromiso e dunha planificación eficaz en moitos centros sanitarios, por falta de recursos, é algo que seguirá deteriorando a sanidade pública senón ponse remedio, adoptando as medidas necesarias por parte do noso gobernante autonómico e é por iso que nos/nos obriga, a unha gran cantidade de cidadáns, a saír á rúa para alertar e denunciar todas estas situacións, para que os responsables públicos coñezan a propia realidade e que non insulten a intelixencia humana amparándose en cuestións partidistas para ocultar as súas responsabilidades.
