Remolcado a Ribeira o pesqueiro “La Chainza” con cinco tripulantes

O pesqueiro La Chainza, con base en Ribeira tivo que ser remolcado con cinco tripulantes a bordo tras enredarse o aparello na hélice da embarcación.

Segundo informa Salvamento Marítimo, na mañá deste luns o pesqueiro emitiu aviso de axuda ao atoparse próximo a punta Laxe Brava. A base de Fisterra mobilizou á Salvamar Sargadelos, que remolcou á embarcación ata o porto de Aguiño, en Ribeira.

Pola súa banda, ata o lugar tamén se desprazou o patrulleiro Tabarca, que ten a súa base en Marín pero atopábase na zona en misión de vixilancia marítima, xa que escoitou pola canle de emerxencias que o pesqueiro enganchara as súas redes e quedouse sen goberno a escasos metros da costa.

O Tabarca , que por certo está no porto de Muros e pode ser visitado a partir deste martes, chegou ata o barco sinistrado e puido comprobar que a tripulación se atopaba sa e salva, polo que permaneceu no lugar ata a chegada da embarcación de Salvamento Marítimo para o remolque.