Miguel Álvarez.- Partido de menos a máis dun Rotogal Boiro Voleibol que acabou perdendo por 3-0 na visita ao Léleman Conqueridor Valencia. Os da Cachada exhibiron un rendemento notable na recepción, pero volveron pagar a falta de potencia ofensiva ante un adversario que transita pola zona alta da clasificación.
O Rotogal Boiro Voleibol realizou unha boa posta en escena. A pesar de que o Léleman Conqueridor Valencia mostrou a súa potencia no saque, os de Emilio Palacio contrarrestaron as armas dos locais cunha gran tarde na recepción. Con todo, os erros acabaron condenando aos galegos cando o marcador indicaba 8-8. Varios fallos lastraron ao equipo visitante, que cedeu a manga inaugural por 25-14.
O segundo set foi similar ao primeiro. Tras un bo inicio, os erros condenaron a un Rotogal Boiro
Voleibol que foi incapaz de manter o pulso #ante un Léleman Conqueridor Valencia que pechou o parcial con 25-18 ao seu favor.
A mellor versión do Rotogal Boiro Voleibol chegou no terceiro set, cando, á boa recepción, sumouse un maior acerto ofensivo. O choque desenvolveuse baixo unha gran igualdade e alcanzouse o momento decisivo con 23-23 no marcador. Un punto directo de saque asentou a un Léleman Conqueridor Valencia que pechou o partido despois de controlar o último ataque dos da Cachada (25-23).
