O Concello de Ribeira fixo balance das ofertas presentadas para renovar o céspede artificial do Campo de Fútbol da Tasca, en Aguiño. Foron un total de seis as ofertas achegadas para “unha actuación da que a mesa de contratación procedeu esta mañá á apertura da documentación administrativa”, engadiron fontes do Consistorio.
O Concello explicou tamén que “cunhas dimensións de 102×62 metros cadrados, o actual terreo de xogo acusa un notábel desgaste derivado dun uso intensivo e do propio paso de tempo, ademais de bochas e depresións nalgunhas zonas, o que aconsellaba a súa renovación”.
Para corrixir estas eivas, vaise desmontar e retirar a herba actual, incluído o árido, e situar no seu lugar un novo céspede sintético de última xeración mediante sistema tufting. Colocarase novo equipamento deportivo, incluíndo porterías de fútbol 11 e fútbol 7, e picas de córner abatíbeis con bandeiriñas.
A actuación ten un prezo de licitación de 275.660,36 euros e un prazo de execución dun mes e medio.
