Esta fin de semana celebraranse no Pazo de Goiáns (Boiro) as Festas de San Mauro. Inclúen como pratos fortes un serán tradicional con chocolatada, actuacións musicais, unha festa dos callos e máis actividades. Os festexos celebraranse o sábado 14 e o domingo 15.
Sábado 14 de xaneiro
17.00h – Chocolatada e serán tradicional no Pazo de Goiáns con Os da boina, A Dorniña de Abanqueiro, pandereteiras de Aroña, Nunca é Tarde, rianxeiras da Covecha da Pobra e Teixedal de Taragoña.
20.00h – Actuación do grupo A Tajea
Nota: ao remate foliada libre e celebración do conxuro da queimada.
Domingo 15 de xaneiro
Alborada a cargo dos grupos Arume e Os Pequenos do Barbanza
13.00h – Festa dos callos e da empanada amenizada polos grupos de baile tradicional Pedra da Aroña e Abeloura xunto cos gaiteiros Os Pequenos do Barbanza.
19.00h – Despois da procesión tirada de fogos artificiais e chocolatada
