O Concello de Lousame organiza unha cita dobre cos Reis Magos para a cativada do municipio, que está prevista para a mañá do xoves 5 de xaneiro na Casa da Cultura e para a tarde do sábado 7 de xaneiro no Polideportivo Municipal da Silva. Serán dúas actividades de acceso gratuíto, se ben é preciso reservar entrada a través de www.bandoticket.com.
A primeira cita será este xoves 5 de xaneiro. De 10:00 a 14:00 horas, a Casa da Cultura de Lousame acollerá unha recepción dos Reis Magos, que seguirá o mesmo procedemento dos dous anos anteriores. Así, a veciñanza de Lousame poderá escoller a hora de visita á recepción real de forma gratuíta a través de bandoticket.
Finalmente, o Concello de Lousame recuperará o tradicional Festival de Reis no Polideportivo Municipal Pilar Barreiro Senra, despois de dous anos sen celebrarse por mor das restricións da pandemia sanitaria. Unha festa infantil con xogos, inchábeis, obradoiros… e un chocolate con churros para todas as persoas participantes. Inscricións de balde en bandoticket.com.
