O Concello de Dodro organiza unha excursión veciñal para degustar o cocido galego en Rodeiro

O Concello de Dodro, a través do departamento de Servizos Sociais, organizou unha excursión veciñal destinada a degustar o cocido galego no concello de Rodeiro (Pontevedra). Será o vindeiro sábado 11 de febreiro, con saída prevista para as 9.00 horas e regreso aproximado ás 20.30 horas. A viaxe inclúe unha visita a unha das xoias arquitectónicas da nosa terra: o Mosteiro de Oseira. Tamén se inclúe unha parada na vila de Lalín, que está considerada por moitos especialistas gastronómicos a capital do cocido galego. As inscricións están abertas para toda a veciñanza de Dodro. Poderá facerse antes do 31 de xaneiro a través do teléfono 981 802 466. O prezo será de 30 euros por persoa.

Presentación de cocido galego nunha imaxe de Coren