A xerente da Área Sanitaria de Santiago de Compostela e Barbanza, Eloína Núñez, acompañada polo alcalde de Ribeira, Manuel Rivas, o director do Distrito do Barbanza, Salvador Mariño-Ageitos e a directora de Recursos Económicos, María José López Rebollo, entre outros, visitaron esta mañá o Centro de Saúde de Palmeira e informaron aos profesionais e usuarios das obras que se van levar a cabo e da colocación dun Punto de Atención Móbil da Consellería de Sanidade para dar asistencia mentres se realizan ditas obras.
A de maior envergadura é o cambio integral da cuberta, cun orzamento de 57.000€ asumidos pola
consellería de Política Social e o Servizo Galego de Saúde. Está previsto que estas obras comecen a finais
de xaneiro e que finalicen nun mes, sempre e cando as condicións meteorolóxicas o permitan.
Unha vez rematada esta obra exterior, procederase ao acondicionamento das zonas de interior.
Non obstante, o Punto de Atención Móbil quedará instalado o vindeiro luns e conta cunha consulta médica, outra de enfermaría, unha sala de espera, un punto administrativo e aseos, amais dunha rampla para o acceso de persoas con mobilidade reducida. Na visita realizada esta mañá xa se analizaron, tamén, as conexións precisas de auga, electricidade, telecomunicacións, etc..
O arcebispo reorganiza os arciprestados da Diocese de Santiago de Compostela
O arcebispo de Santiago de Compostela, mons. Francisco José Prieto Fernández asinou o decreto polo que se reorganizan os arciprestados da Diocese de Santiago de Compostela. Neste Documento, o arcebispo indica que ao longo destes anos os arciprestados foron na...