O Concello de Ribeira informa de que principiaron as obras de mellora da accesibilidade entre o Malecón e o recheo portuario, no tramo comprendido entre Rosalía de Castro e a rotonda na que desemboca Romero Ortiz.
Estes labores están sendo acometidos pola empresa Tarrío & Suárez e supoñen un investimento de 48.099,76 euros, IVE incluído. vanse aplicar novos pavimentos de formigón e construír rampas que
permiten a accesibilidade, ademais dun muretes e bordillos de granito segundo o seguinte plano.
Hai que recordar que tamén está pendente de comezar outra iniciativa para aplicar un novo pavimento antideslizante de cor verde ao paseo entre o Malecón e Carolinas. Ademais, están en prazo de
presentación de ofertas outras dúas actuacións previstas para o Mañecón, unha para a instalacion de dúas novas marquesinas singulares e outra para a colocación unha varanda separativa da zona de portos entre Rosalía de Castro e a parada central de autobuses.
