O Concello de Boiro súmase á Rede de Parques sen Fume de Galicia coa incorporación do Parque da Cachada. Este distintivo autonómico complementa o xa existente nas praias do municipio co obxectivo de xerar espazos públicos libres de fume.
Boiro adheriuse no ano 2016 á rede de praias sen fume da Xunta de Galicia que forma parte do Programa Galego de Promoción dunha vida sen tabaco da Dirección Xeral de Saúde e que ten como finalidade a promoción da saúde e proxección do medio ambiente.
A Xunta de Galicia vén de aprobar agora a incorporación do Parque da Cachada a esta rede, sento o primeiro parque libre de fume do municipio. Un espazo natural de 45.000 metros cadrados con parques infantís e outras zonas de xogo e deportivas.
