A Asociación Deloa, en colaboración coa Escola de Organización Industrial (EOI), vai pór en marcha nos concellos da comarca do Barbanza unha acción formativa centrada na mercadotecnia dixital e no cooperativismo.
Este programa, sinala Deloa, é “unha gran oportunidade de incorporación ao mercado laboral para mozas e mozos entre 16 e 29 anos, xa que poderán adquirir todos os coñecementos para crear unha cooperativa de servizos de marketing en liña e aprender da e dos mellores profesionais e coñecer os seus casos de éxito”.
Deloa fará xuntanzas informativas para todas as persoas interesadas. As primeiras celebraranse o vindeiro martes 31 de xaneiro nos seguintes concellos:
– Concello de Boiro: Centro de Formación e Viveiro de Empresas do Concello de Boiro. 12.00 horas.
– Concello de Rianxo: Salón de actos do Auditorio de Rianxo. 16.30 horas.
– Concello de Rois – Concello De Dodro: Edificio Multiusos do Concello de Rois. 18.30 horas.
O día 6 de febreiro, serán as quendas de Noia e Lousame (no Edificio Casino do Concello de Noia ás 11.30 horas) e Outes (na Casa da Cultura ás 13.00 horas).
