A Organización Internacional do Traballo (OIT) semella ter descubierto agora algo que, desde vai moitos anos, veñen denunciando distintas organizacións profesionais, entre estas AETINAPE: hai pescadores “atrapados” en traballos forzosos a bordo de buques pesqueiros. Os cálculos da OIT fixan en 128.000 os traballadores do sector pesqueiro de todo o mundo os que realizan na súa maioría horas extraordinarias excesivas e amáis reciben un salario moi baixo ou ningún en absoluto.
Moitas das infracións laboráis a bordo dos pesqueiros son produto da feble supervisión das condicións laboráis. A OIT coida que a ratificación do Convenio nº. 188 desta organización axudaría a previr moitas das infracións laboráis que se rexistran nos barcos de pesca de, por exemplo, a rexión Fisheries Conmittee for the West Central Gulf of Guinea (FCWC/CPCO).
Por este motivo a OIT instou aos Estados Membros do Comité de Pesca do Golfo de Guinea Centro-occidental a que ratifiquen o devandito Convenio 188 da OIT para contribuir a promover o traballo decente no sector pesqueiro da mencionada rexión africana e previr o traballo forzoso na zona.
Expertos e socios para o desenvolvemento da FCWC participantes na 14ª sesión da conferencia de ministros de pesca -celebrada en Accra o pasado día 12- trataron das infracións laboráis nos buques pesqueiros para concluir que moitas delas se deben á escasa supervisión das condicións laboráis.
Na opinión de Alix Nasri, coordinadora mundial do laboratorio Acelerador 8.7 da OIT, moitas das infracións laboráis neses buques débense ás devanditas malas condicións, e expresou a súa preocupación polo feito de que estas , especialmente as que afectan aos pesc adores a bordo, estean a aumentar e resulte necesario poñerlles freo.
O FCWC creóuse en 2007 para promover e facilitar a cooperación en materia de xestión pesqueira entre os seus países membros: Ghana, Togo, Nixeria, Liberia, Benín e Costa de Marfil, países que comparten varias poboacións de peixes e que identificaron a necesidade de cooperar e compartir a xestión destes recursos.
Concluíuse asimesmo que moitas desas infracións poderían evitarse de se poñer fin á pesca ilegal, non declarada e non regulamentada (INDNR), porque moitas desas infracións se producen sobre todo en pesqueiros que practican a devandita pesca ilegal.
Chama a atención que, xa de cheo en 2023, unha organización como a OIT critique as consecuencias da pesca ilegal e que centre as mesmas en Guinea, sen facer mención ao que acontece en países asiáticos e de centro e sur de América onde se teñen denunciado por activa e por pasiva a utilización de rapaces -cuxas idades nen sequera chegaban aos 14 anos- durante horas interminábeis e con salários miserentos. O mesmo se pode dicir do vivido por mariñeiros galegos -sábeno ben os das comarcas do Barbanza e O Morrazo, por propia experiencia- enrolados en buques de pouco doada catalogación cuxo pavillón nen siquera resulta identificable a efectos legais.
Tarde piache.
