A Biblioteca Municipal de Boiro vai dar acollida esta semana a unha actividade creativa de narracións orais e xogos para os máis cativos. Trátase do obradoiro infantil Contos para as emocións. Será este sábado 28 de xaneiro a partir das 12.00 horas (até as 13.00 horas aproximadamente). Segundo informan dende a Biblioteca, trátase dun taller para convidar á rapazada a traballar as emocións a través de varias historias narradas (El pez arcoiris ou O soño de Matías), destinado a nenas e nenos de idades comprendidas entre os 4 e os 6 anos. As prazas serán limitadas. As inscricións deberán facerse a través da Biblioteca ou ben mediante o teléfono 981 84 84 10.
