O alcalde de Ribeira, Manuel Ruiz, recibiu este luns 26 de decembro a dúas futbolistas do municipio, recentemente convocadas para formar parte da selección galega nas súas respectivas categorías: Laura Santos Rey e Uxía Sampedro Pérez.
O acto de benvida celebrouse no salón de plenos, onde o alcalde Manuel Ruiz expresou a ambas xogadores o cariño do Concello e animounas a seguir co deporte. “O fútbol como deporte de equipo contén todas as ensinanzas que se necesitan para a vida”, precisou. Tamén agradeceu as familias o seu papel,
Laura Santos milita no equipo coruñés do Orzán e foi chamada este mes para formar parte do combinado da comunidade galega no Campionato de España de Seleccións Sub 17 en Asturias. Pola súa parte, Uxía Sampedro xoga no Cidade de Ribeira e participou coa selección de Galicia Centro na Copa Gallaecia sub 14 en Braga.
