A narradora, actriz e escritora Raquel Queizás vai volver a Boiro para achegar un novo contacontos para nenas e nenos de idades comprendidas entre 1 e 4 anos. Trátase do espectáculo O chimpo da ra. Será este venres 16 de decembro ás 17.30 horas no Centro Social de Cabo de Cruz. Organiza o Concello ao abeiro a través da Rede Cultural da Deputación da Coruña.
Trátase dunha función para bebés que nos conta a historia de Nano, unha ra que é quen de dar grandes chimpos de ra. Nona, a súa irma pequena, cae, non sabe dalos, e Nano rise dela. Nano ten ciumes de Nona, “Agora”, pensa, “todos os agarimos son para Nona, Nona para aquí, Nona para alá”. Nano quere volver ser pequeno outra vez…
