Como se dun casino se tratara, o futuro inmediato de pesca en augas da Comunidade Europea, estará na ruleta do Consello de Ministros da Unión Europea que decidirá, os días 11 e 12 deste derradeiro mes do ano 2022, os Totais Admisibles de Capturas (TAC) e cotas pesqueiras para o vindeiro ano 2023.
Con este motivo, o ministro de Agricultura, Pesca e Alimentación, Luis Planas, anunciou a presentación de medidas alternativas para evitar unha nova redución dos días de paro no Mediterráneo e a revisión dalgunhas propostas para o Atlántico.
O ministro español coida que debe limitarse ao máximo a nova redución dos días de pesca propostos un ano máis pola Comisión Europea dun 9,8% sobre 2023, e propón elevar a porcentaxe prevista no mecanismo de compensación para recuperar unha parte -ata un 3%- de ser dar determinadas condicións.
As últimas avaliacións científicas das disponibilidades de especies incluidas no plan plurianual de xestión do Mediterráneo permite albiscar certas milloras e que o novo recurte dos días de ñesca vai supor un importante impacto socioeconòmico sonbre a frota pesqueira.
Tocante ao Atlántico, España, a máis das negociacións que involucran ao Reino Unido, Noruega e os estados costeiro que non concluiron polo de agora, ten intereses en 18 das 26 especies afectadas pola negociación no Consello de Ministros de Agricultura e Pesca. A Comisión propón mantementos e incrementos do TAC e cotas para 2023 en especies de gran interese para o conxunto da frota, acordes coas recomendacións do Consello Internacional para a Exploración do Mar (ICES).
España, pola súa banda, apresentará propostas técnicas para acordar maior incremento de cotas de abadexo, linguado e cigala. E no caso da pescada sur, após 8 anos sen visos de recurtes, este ano vai permitir un considerable incremento debido á importante recuperación desta especie constatada polo ICES. Polo contrario, a Comisión propón para o xurelo oeste un TAC cero pola súa mala situación e España apoia o mandado xeral do plan de reconstrucción elaborado polo Consello Consultivo de Especies Peláxicas que permite unha captura total de 15.513 toneladas.
