Membros do Partido Popular da Coruña reuníronse este martes 27 de decembro en Boiro para participar na presentación oficial do seu candidato para este concello: Fernado García Diéguez. No acto interveu o presidente da agrupación na provincia da Coruña, Diego Calvo, quen dixo que “non nos podemos conformar con ser a forza máis votada o próximo 28 de maio, temos que conseguir a maioría absoluta e imos conseguila para recuperar a alcaldía dun concello que nunca debemos perder”.
Na compaña do secretario xeral do PP na provincia da Coruña, Evaristo Ben, Calvo destacou a candidatura de Fernando García Diéguez por ser unha persoa que “coñece os problemas do municipio e será capaz de presentar unha alternativa que termine cun Goberno municipal incapaz de xestionar o Concello”, dixo.
