Santa Uxía de Ribeira, 24 de decembro de 2022.- Dende a tarde de onte o Centro Cultural Lustres Rivas exhive unha exposición, formada por máis dunha vintena de obras de María José González Area, unha artista nacida en Marín pero que de moi nova se trasladou a Madrid e que escolleu agora Ribeira para amosar as súas creacións a toda a cidadanía.
A exposición, titulada “Solpor na ría”, foi inaugurada nun acto que contou coa participación da concelleira de Cultura María Sampedro e da propia creadora. Recolle distintas pinturas cheas de luz, cor e tons dourados, que evocan paisaxes naturais moi vencellados á nosa terra e nas que se utiliza a técnica do Stofado, unha técnica da imaxinería en madeira policromada que ten as súas orixes na arte gótica e que ten como material principal o pan de ouro. A súa obra é pois unha reflexión íntima sobre a paisaxe, cunha visión romántica e nostálxica da súa terra.
María Sampedro animou aos veciños e veciñas e a todos aqueles que nos visiten nestas festas a contenplar esta mostra, que estará aberta ao público ata o 28 de xaneiro.
