Este sábado 3 de decembro, ás 20.30 horas, proxéctase no Centro Social de Boiro o filme galego Jacinto, de Javi Camino e protagonizada polo actor e humorista tristemente falecido Pedro Brandariz. Trátase dunha actividade abeirada ao Ciclo de Cine Mestre Mateo, un circuíto de cinema galego que, unha vez ao mes, exhibe nos lugares que forman parte da rede de salas as películas finalistas dos Premios Mestre Mateo.
Sinopse
Jacinto é un adulto coa mentalidade dun neno. Vive en Mallou, unha sombría aldea abandonada entre as montañas, cos seus pais e o seu porco Martiño. A morte da súa mascota e a chegada de dúas novas veciñas estranxeiras porá o seu mundo patas arriba. Jacinto sospeita que as mozas acabadas de chegar son vampiras que planean rematar coa súa familia para controlar a aldea. Para impedilo, porá en práctica todo o aprendido vendo películas de terror.
Ficha Técnica
Duración: 95’
Produtora: Vizuals Lab
Dirección: Javi Camino
Dirección de arte: Samuel Lema Ferreira
Dirección de fotografía: Francisco Arnoso “Pixi”
Dirección de produción: Xabier Eirís Guión: Javi Camino
Reparto: Pedro Brandaríz, Anxela Baltar, Corinna Rautenberg, Miro Magariños, Pilar Miguélez, Juanma Buiturón
Maquillaxe e perruquería: Lorena Calvo
Montaxe: Javi Camino
Música orixinal: Reserva Espiritual de Occidente (Svali y Wences Lamas)
Son: David Lagares, José Tomé
Vestiario: Lorena Calvo
