A rapazada rianxeira vai ter nestas festas, ao seu alcance, a posibilidade de falar por vídeo-conferencia nada máis e nada menos coas Súas Maxestades Os Reis Magos de Oriente. A comunicación será posíbel grazas á iniciativa conxunta do Concello e a Asociación Rianxeira de Empresarios. As familias interesadas en empregar esta canle para que as crianzas lles expresen os seus desexos ás Súas Maxestades teñen que reservar cita a través da web nadalrianxo.com e elixir unha data e hora para recibiren a chamada.
