Ata vai moi pouco tempo, a comarca barbanzana xunto coa do Morrazo, eran referentes fixos cando se falaba (ou escribía) sobre a actividade pirata de determinados buques e mariñeiros que actuaban ao chou en augas de Australia e outros países para se facer con ese outro ouro negro que aínda é a
pescada negra ou o bacallau de fondo. Esta actividade remata (ou debe rematar) pola entrada en vigor dun anteproxecto de lei de modernización do control e a inspección, e a loita contra a pesca ilegal. Unha lei para revisar e modernizar os sistemas que, malia a existencia destes, aínda ten buratos polos que a pesca ilegal, nos declarada e non regulamentada (INDNR) existe. O obxectivo desta lei non é outro que flexibilizar e modernizar o réxime de infracións e sancións en materia pesqueira. Deste xeito, España adiantarse a Europa á hora de actualizar a normativa que modernizará o sistema de control e inspeción para combater a pesca ilegal tan rentable para non poucos mariñeiros e armadores da nosa terra.
É un paso avante que da o Consello de Ministros do Goberno de España, cando a UE se enroca na negociación do novo Regulamento de Control nos trílogos.
A norma que establece a proposta do Ministerio de Agricultura, Pesca e Alimentación, percura un efecto disuasor de actividades de pesca INDNR incorporando medidas para identificar os infractores
Nacionais e para comprobar as actividades daqueles que teñan relación con barcos de terceiros países que faenen fóra das augas comunitarias. Tamén contempla mecanismos que aseguren que os produtos da pesca importados e exportados por España foron capturados seguindo as medidas internacionais de conservación e ordenación e libres de pesca IUU.
E regulación, por separado, de plans de control e inspeción é, a máis, unha norma novidosa que inclúe as accións a realizar para implementar a dixitalización e o uso das novas tecnoloxías nos sistemas de contro. Afecta simesmo a normativa ás facultades dos servizos de infracións, ás posibles colaboracións con outras administracións públicas e as obrigas dos operadores do sector relativas ao exercicio da pesca marítima.
O réxime sancionador e a armonización co resto de sistemas de cumprimento dos Estados membros da Unión Europea é outro aspecto importante da nova normativa que estabelece para elo unha nova tipificación das infracións, introducindo un elemento de flexibilización na tipificación das condutas infratoras mediante o estabelecemento dunha serie de elementos que sigan o sistema prantexado na reforma do Regulamento de Control en curso.
O anteproxecto do texto será consultado ao sector pesqueiro após as consultas entre os distintos ministerios, as comunidades autónomas e o Consello de Estado, así como ás organizacións dos sectores implicados. Tras a consulta co sector pesqueiro abrirase trámite de audiencia pública para que calquera interesado poda participar na elaboración do proxecto antes da súa aprobación en Consello de Ministros para a súa remisión ás Cortes.
España da así o primeiro paso para actualizar o seu sistema de control pesqueiro. Compre esperar que sexa o definitivo para erradicar absolutamente a pesca ilegal.
