José Rivera ofrece un menú de maxia e diversión este sábado na Casa da Cultura sonense

02 Decembro 2022

Este sábado 3 de decembro a Casa da Cultura de Porto do Son vai acoller un divertido espectáculo de ilusionismo para toda a familia: o espectáculo Parece mentira, a cargo de José Rivera (Magia & Hipnosis). A función, que dará comezo ás 17.00 horas, é en palabras de Cultura do Concello sonense “un espectáculo para todos os públicos sorprendente e divertido, onde a maxia e o humor son os principais ingredientes”. Organiza o Concello ao abeiro do programa da Rede Cultural da Deputación da Coruña.

José Riveira é un mago ourensán que ten unha traxectoria de máis de 20 anos como ilusionista. O seu punto forte é unha sorprendente mestura entre abraio e humor, ofrecendo shows onde non dá ao público un momento de respiro. Ten na súa bagaxe unha gran cantidade de actuacións en auditorios, teatros, locais, festas, promoción de eventos, etc., por diferentes localidades galegas e o resto da xeografía estatal, levando ilusión tanto a nenos como a maiores.

Como profesional versátil da maxia, Jose Rivera ten ás súas costas un amplo abano de ofertas de espectáculos, que inclúen funcións para toda a familia, maxia infantil, galas para adultos, números de mentalismo e hipnose de espectáculo.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...