Esta mañá do último sábado e día do ano numerosas persoas achegáronse a Pórta do Sol para despedir o ano e dar a benvida á 75º singradura da Dorna. As tradicionais uvas substituíronse por preto de 250 pequenos vasos con 12 mexillóns, doados pola empresa Basoñas Mar.
«Foi todo bastante ben. Pensabamos que ou tempo non nos ía a acompañar. Sempre que a Dorna fai algo hai un chamamento masivo», explicou a presidenta da Confraría, Sara Sevilla, sorprendida pola acollida desta nova iniciativa. Xunto a ela, o vicepresidente, Juan José Segade, o alcalde de Ribeira, Manuel Ruiz, e o sacerdote, Alfonso Mera, brindaron con champaña por unha nova singradura.
O párroco ribeirense Alfonso Mera permitiu a dous directivos dorneiros, Juan González e Mónica Deus, tocar as doce badaladas ante a expectación do público asistentes.
A banda ribeirense dos Bugis recolleu a testemuña e tocou o himno da Dorna. Os cánticos e saltos do público, así como os curiosos que inmortalizaron a estampa cos seus teléfonos móbiles, acompañaron os versos dos acordes por excelencia dunha festa que cumprirá tres cuartos de século no 2023.
