A Xunta de Galicia deu luz verde á inclusión dunha ducia de proxectos, entre os que se atopa o presentado pola mancomunidade Barbanza Arousa. O programa, dotado con 34,5 millóns de euros, se financiará con cargo aos Fondos Next Generation, dos que a comarca recibirá 1,5.
O proxecto “Barbanza Arousa, viaxe a través da historia dos sabores” foi presentado pola mancomunidade e para a súa execución, o ente contará coa metade dos fondos solicitados, posto que o orzamento das actuacións previstas roldaban os tres millóns de euros.
O obxectivo do proxecto é explotar unha nova liña no territorio: a enogastronomía, mediante a posta en valor das artes de pesca e a cultura da salgadura e a conserva. Entre as intervencións previstas figura a rehabilitación dalgúns edificios, como o barrio de os cataláns na Pobra.
