Este martes 12 de decembro pola tarde, a partir das 19.00 horas no Centro Social de Cabo de Cruz, vaise celebrar unha xornada divulgativa de novas técnicas combinadas na carpintería de ribeira, ou sexa, sobre innovación aplicada nas nosas metodoloxías tradicionais e históricas de construción de barcos. A xornada vén da man da Asociación Galega de Carpintería de Ribeira. Celebrarase baixo o epígrafe Un futuro de madeira. Colaboran a Axencia Galega da Industrial Forestal e máis o Concello de Boiro.
