Antón Luaces.- Este sábado o Museo do Mar de Galicia en Alcabre (Vigo) vai desenvolver o acto conmemorativo dos primeiross 40 anos de vida da Asociación Española de Titulados Náutico-Pesqueira (AETINAPE). Será, segundo a entidade que preside José Manuel Muñiz Ríos, un acto “profundamente humano de recoñecemento a toda a xente do mar” no que tamén estarán persoas do ámbito creativo e divulgativo que acompañaron a AETINAPE durante todo este tempo, como o xornalista, escritor e académico Manuel Rivas, o tamén xornalista e exdecano do Colexio Profesional de Xornalistas de Galicia (CPXG), Xosé María Palmeiro, e outros.
Haberá tamén distintas intervención gravadas de persoeiros que ocupan ou ocuparon cargos institucionais tanto na pesca como en mariña mercante, así como directores e profesores de escolas marítimo-pesqueiras de diversos puntos de España.
Abrirá o acto Muñiz Ríos, presidente da organización, cun discurso no que glosará a vida asociativa e a proxección pública de AETINAPE , repasando asimesmo os logros máis importantes desta organización profesional nos 40 anos transcorridos desde a súa fundación, con especial atención a aqueles relacionados coa seguridade marítima e a humanización do traballo no mar.
AETINAPE recoñecerá asimesmo a aquelas persoas que fixeron grande a entidade nestas catro décadas, entre as que figuran algunhas que forman parte do colectivo como outras qwue manteñen vínculos coa Asociación.
