O Concello de Boiro participa un ano máis na Campala da Neve 2023 da Deputación da Coruña. O número de prazas ofertadas para este ano é de 11, que viaxarán á estación de Valgrande-Pajares entre o 27 e o 30 de xaneiro. As inscricións están abertas e poden facerse no Rexistro Xeral do Concello de
Boiro.
A Campaña da Neve está dirixida a nenos e nenas da provincia da Coruña de entre 11 e 15 anos, cumpridos a 31 de decembro de 2022. O prezo de participación será de 85 euros e que inclúe o transporte de ida e volta, estadía e manutención na estación, clases de esquí, seguros, alugamento de
material, remontes mecánicos e todo o gasto de actividades e cursos programados.
O prazo de presentación de solicitudes está aberto dende o 30 de novembro e ata o 14 de decembro, presentando no Rexistro Xeral do Concello de Boiro a ficha de inscrición dispoñible na web municipal. Entre o 15 e o 17 de decembro farase o sorteo das prazas, nas que terán prioridade aqueles nenos
e nenas que nunca asistiran a campañas de inverno.
As persoas participantes gozarán de catro días na estación invernal de Valgrande-Pajares con cursos de esquí e outras actividades alternativas e complementarias.
