A área de Cultura e Deportes do Concello de Porto do Son compartiu a súa axenda de actividades para este Nadal, un intenso e completo programa de propostas que busca satisfacer a públicos de todas as idades (poñendo o foco na rapazada, como non podía ser doutra maneira) e que salienta pola énfase na diversidade e na creatividade. “Será unha programación de Nadal para grandes e pequerrechiñxs”, sinalaron dende o Concello, destacando tamén a vontade de chegar a todas as parroquias (por exemplo coas visitas de Papá Noel e dos Reis Magos).
Damos conta da axenda, punto por punto:
-Cinema infantil. Valentina. O día 2 de decembro ás 10.30 horas na Casa da Cultura do Son.
-Prendido de luces. O 2 de decembro ás 19.00 préndese o alumeado de Nadal do concello.
-Maxia. Parece mentira, de José Rivera. O 3 de decembro ás 17.00 horas na Casa da Cultura do Son (Rede da Deputación da Coruña).
-Concerto da Banda de Música Suevia. O 8 de decembro ás 19.30 horas na Casa da Cultura do Son.
-Musical. O mundo máximo de Pinocho, de Educa Teatro. O 10 decembro na Casa da Cultura do Son (Rede da Deputación da Coruña).
-Mercado de Nadal en Portosín. O 11 de decembro dende as 12h na praza do Curro de Portosín. Coa colaboración da Asociación de Empresarios de Portosín.
-Festival de Pandereteiras da ESMU. O 11 de decembro ás 19.30 horas na Casa da Cultura do Son.
-Carreira SinSon10K. O 17 de decembro en Portosín. Modalidades Escolares, Inclusiva e 5K Nocturna. A maiores, Feira do Corredor. O 18 celébrase a SinSon10K en Portosín e Porto do Son.
-Concerto de Nadal do alumnado de piano da ESMU. O 22 de decembro ás 20.00 horas na Casa da Cultura de Porto do son.
-Papá Noel visita Porto do Son. O 23 de decembro estará no Club Náutico de 11.00 a 14.00 horas e de 16.00 a 20.00 horas, e percorrerá todas as parroquias.
-Charanga Os Celtas. O 24 decembro.
-Obradoiros de Nadal para a cativada. Días 26, 27, 28, 29 e 30 de decembro, máis o 2 de xaneiro, en horario de 17.00 a 19.00 horas nas Casas da Cultura de Porto do Son, Portosín e Xuño.
-Baila en Nadal. O 28 de decembro ás 20.30 horas na Escola de Danza Municipal.
-Inchábeis para a cativada. O día 29 de decembro ás 17.00 horas no Pavillón de Santa Irene.
-Charanga Os Roubabicos. O 31 de decembro.
-Os Reis Magos visitan Porto do Son. O 5 de xaneiro as súas maxestades percorrerán as parroquias e ás 18.10 horas comezará a Cabalgata Real na fachada marítima de Porto do Son acompañados da ruada A Raíña do Nadal de Pablo Méndez Performances.
